Bakı. Trend:
İŞİD terrorçuları İraqın Mosul şəhərinin kəndlərindən ən azı 550 ailəni "canlı qalxan" məqsədilə öz mövqelərinə aparıblar.
Trend-in "Habertürk"ə istinadən verdiyi məlumata görə, bunu BMT-nin insan haqları üzrə nümayəndələri deyiblər.
BMT-dəki digər mənbə Mosuldan təxminən 200 min nəfərin qaçacağını bildirir.
BMT-nin sözçüsü Ravina Şamdasani İŞİD silahlılarının bir kənddə 40 mülki şəxsi öldürdüklərini deyib.
Bundan başqa, İŞİD-in Kərkükün mərkəzində 3 türkman ailəsini girov götürdüyü bildirilir.