Bakı. Trend:
Dekabrın 10-da Parisdə Suriyada münaqişənin siyasi həllini dəstəkləyən ölkələrin xarici işlər nazirlərinin görüşü keçiriləcək.
Trend-in RİA Novosti-yə istinadən verdiyi məlumata görə, Fransa XİN-də keçiriləcək görüşdə Fransadan Jan-Mark Eyro, Almaniyadan- Frank-Valter Ştaynmayer, ABŞ-dan - Con Kerri, Qətərdən - Muhammad bin Abdurrahman bin Casim Al Tani, Böyük Britaniyadan - Boris Conson və Türkiyədən - Mövlüd Çavuşoğlu iştirak edəcəklər.
Həmçinin görüşdə Səudiyyə Ərəbistanın, BƏƏ-nin, İtaliyanın və İordaniyanın nümayəndələrinin iştirakı da nəzərdə tutulub.
Gözlənilir ki, görüşə Avropa diplomatiyasının rəhbəri Federika Moqerinidə gələcək.