Bakı. Trend:
İspaniya polisi 19 yaşlı Qabon vətəndaşı olan miqrantı çamadanda İspaniyaya keçirmək istəyən Mərakeşli qadını saxlayıb.
Trend-in "RİA Novosti"yə istinadən verdiyi məlumata görə, bu barədə "Daily Mail" nəşri xəbər yayıb.
Məlumatda deyilir ki: "Mərakeşli qadın Seuta anklavında hüquq-mühavizə orqanları tərəfindən saxlanılıb".
Qeyd edək ki, Seuta anklavı Mərakeşlə sərhəddə yerləşir və Afrikalı miqrantlar buranı Avropaya giriş nöqtəsi kimi istifadə edir. Sərhəddə Afrikadan qaçqın axınını nəzarətdə saxlamaq üçün sərhəd boyunca 6 metrlik hasar tikilib. Buna baxmayaraq, miqrantlar bəzi hallarda hasardan keçə bilirlər.