Bakı. Trend:
21 dekabr 2022-ci il Qaradağ rayonunda “Qaradağ şadlıq Sarayın”da Bakıda sağlamlıq imkanları məhdud və xüsusi qayğıya ehtiyacı olan uşaqların əl işlərinin xeyriyyə sərgi-yarmarkası keçirildi.
Tədbirdə Qaradağ Rayon İcra Hakimiyyətinin Başçısı Süleyman Mikayılov, Millət vəkilləri Səbinə Xasayeva və Vüqar İsgəndərov, Sahibkar Qadınlar Cəmiyyətinin sədri Zemfira Ağayeva, KOBİA və ASK nümayəndələri, Qaradağ rayonunun idarə müəssisə rəhbərləri, sahibkarlar və rayon ictimaiyyəti iştirak edirdi.
Sərgi Qaradağ Rayon İcra Hakimiyyətinin dəstəyi ilə Azərbaycanda iş adamlarıhnı birləşdirən şəbəkə işçi təşkilatı olan Azərbaycanda Qlobal İş Adamları Assosiasiyası (GABA - Global Association Business People of Azerbaijan Networking) tərəfindən təşkil olunmuşdur.
Tədbir fiziki imkanları məhdud uşaqların Azərbaycan Himnini ifa
etməsi ilə başladı
Daha sonra Azərbaycanda Qlobal İş Adamları Assosiasiyasının sədri
Nəzrin Sadıxova çıxış edərək tədbirdə fiziki qüsurlu uşaqların öz
əl işlərinin təqdim edə biləcəyi daha bir inklüziv layihə
olduğundan, burda onların rəsim, taxta sənətkarlıq, tikmə və digər
yaradıcılıq nümunələri təqdim olunduğunu qeyd etdi. Xüsusi qayğıya
ehtiyacı olan insanlara göstərilən diqqət və qayğı üçün ölkə
başçısı İlham Əliyevə təşəkkürünü bildirdilər.
Tədbirdə iştirak edən Qaradağ Rayon İcra Hakimiyyətinin başçısı Süleyman Mikayılov Ümummilli liderimiz Heydər Əliyev tərəfindən əsası qoyulan dövlət siyasəti Azərbaycan Respublikasının Prezidenti cənab İlham Əliyevin bu kateqoriyadan olan vətəndaşların sosial müdafiəsinə, onların reabilitasiyasına və cəmiyyətə inteqrasiyasına xüsusi qayğısı nəticəsində ildən-ilə gücləndiyindın söz açdı. Dövlət başçısının “Mən çox istəyirəm ki, Azərbaycanda yaşayan bütün əlillər cəmiyyətdə fəal rol oynasınlar. Yəni, onlar cəmiyyətdən təcrid edilmiş vəziyyətə düşməsinlər” sözlərini xatırlatdı. Daha sonra qeyd etdi ki, keçirilən bu tədbir Azərbaycan Respublikası Prezidentinin sərəncamına əsasən “Məşğulluq Strategiyasının həyata keçirilməsinə dair 2020–2025-ci illər üçün Tədbirlər Planı”na uyğun olaraq həyata keçirilir.
Tədbirdə iştirak edən digər qonaqlar əlilliyi olan şəxslərin, xüsusilə gənclərin sosial reabilitasiyası işinin gücləndirilməsi məqsədilə keçirilən bu tədbirlər fiziki imkanları məhdud şəxslərin yaradıcılıq potensialının inkişaf etdirilməsinə, onların cəmiyyətə aktiv inteqrasiyasının təmin olunmasına, cəmiyyətdə xüsusi qayğıya ehtiyacı olan insanlara diqqətin artırılmasına xidmət edən dövlət proqramlarından söz açdılar.
Tədbir də Qaradağ ərazisində fiziki məhdudiyyətli uşaqlar üçün 9 nömrəli Xüsusi İnternat məktəbi və 6 nömrəli Uşaq Somatik Sanatoriyası fəaliyyət göstərir. Eyni zamanda xüsusi qabiliyyəti olan uşaqlar sağlamlıq imkanları məhdud uşaqlar üçün 7 Nömrəli Uşaq Gənclər İnkişaf Mərkəzində xüsusi təhsil də mövcuddur. Tədbirdə rayonumuzu təmsil edən 5 uşaq özlərinin 8 əl işi ilə sərgidə iştirak edirdilər.
Bu yarmarkanın özəlliyi sağlamlıq imkanları məhdud və xüsusi qayğıya ehtiyacı olan uşaqların hazırladığı şou proqram oladu. Tədbir iştirakçılarına Azərbaycanın Dövlət Himninin sözləri işarət dili ilə ötürülən xüsusi musiqi nömrəsi, rəqs və mahnı təqdim olundu. Daha sonra iştırakçılar təqdim olan sərgi-yarmarkada iştirak etdilər.
