Azərbaycan, Bakı, 13 aprel / Trend / Bu gün Masazır yolunda yol-nəqliyyat hadisəsi baş verib. Trend agentliyinin "Xalq jurnalisti" layihəsi çərçivəsində verdiyi məlumata görə, "KaMAZ" markalı avtomobil "ZAZ" markalı minik maşını ilə toqquşub. Nəticədə minik avtomobildə olan iki sərnişin müxtəlif dərəcəli bədən xəsarətləri alıblar. Yük avtomobilin sürücüsü isə hadisə yerindən qaçıb.
"Təcili yardım" maşını dərhal çağırılsa da, həkimlər hadisə yerinə yalnız yarımsaatdan sonra gəliblər. Trend -un verdiyi xəbərə görə, zərərçəkənlər xəstəxanaya aparılıb. Onların birinin vəziyyəti ağırdır.
Həmin vaxtadək Dövlət Yol Polisi əməkdaşları hadisə yerində görünmədilər.
