Azərbaycan, Bakı, 8 fevral /Trend/
Türkiyədə sərnişin daşıyan gəmi ilə tanker toqquşub. "Anadolu" Agentliyinin verdiyi məlumata bildirilir ki, Bostancı-Kabataş marşrutu üzrə hərəkət edən "Yedditəpə" adlı sərnişin daşıyan gəminin "Amur 2521" adlı tankerlə toqquşması nəticəsində yaralananlar var, hadisə yerinə təcili yardım maşınları səfərbər edilib.
Son məlumatlara görə, qəza nəticəsində yaralanmış 4 nəfər yaxınlıqdakı xəstəxanalara aparılıb. Gəmidə tapılmış 33 nəfər isə xilas edilib.