Azərbaycan, Bakı, 5 iyun /Trend, müxbir İ.İzzət/
Qaradağ rayonundakı 12 saylı cəzaçəkmə müəssisəsinə narkotik maddə keçirilməsi cəhdinin qarşısı alınıb.
Ədliyyə Nazirliyi Penitensiar Xidmətin İctimaiyyətlə əlaqələr şöbəsindən Trend-ə verilən məlumata görə, Xidmət əməkdaşları tərəfindən 12 saylı cəzaçəkmə müəssisəsində cəza çəkən məhkum İntiqam Mirzəli oğlu Əsgərova vətəndaş Nurlan Əzizağa oğlu Həsənovun göndərdiyi sovqata baxış keçirilib. Baxış zamanı şəkər tozundan bişirilərək hazırlanmış nabatın içərisində 5 ədəd sellofana bükülmüş xalis çəkisi 3,332 qram olan narkotik vasitə - tiryək aşkar edilərək götürülüb.
Qeyd edək ki, İ.Əsgərov Cinayət Məcəlləsinin 234.1-ci maddəsinə əsasən azadlıqdan məhrum edilib.
Fakt üzrə araşdırma aparılır.
