Azərbaycan, Bakı, 8 dekabr /Trend, müxbir İlkin İzzət/
Bakıda 30 yaşlı qadını sosial şəbəkələrdə şantaj edəcəyi ilə hədələyən şəxs tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Xəzər Rayon Polis İdarəsi 1-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Tərtər rayon sakini 1991-ci il təvəllüdlü Əliş Əlişov tutulub.
23 yaşlı Ə.Əlişov noyabrın 12-də Qala qəsəbə sakini, 1984-cü il təvəllüdlü Vüsalə Şahbazovanı sosial şəbəkələrdə şantaj edəcəyini iddia etməklə ondan 3 ədəd mobil telefon, 5000 manat və qızıl-zinət əşyalarını hədə-qorxu ilə tələb etməkdə şübhəli bilinir.