Bakı. Elmir Murad - Trend:
Bakının Sabunçu rayonunda oğurluq hadisəsi qeydə alınıb.
Trend Daxili İşlər Nazirliyinin saytına istinadən xəbər verir ki, qarət hadisəsini Ağdam rayon sakini Sevgiladə Quliyeva törədib. Belə ki, o, Sağlamlıq Kompleksində işləyən Xanım Nəsirovanın və Alisa Cəfərovanın iş otaqlarından, habelə Gülnarə Axundovanın çantasından pul oğurlayıb.
S.Quliyeva Səbail Rayon Polis İdarəsi 41-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində tutulub. Araşdırma zamanı onun əvvəllər məhkum olunduğu məlum olub.