Bakı. Trend:
Bu gün gündüz saatlarında iyulun 23-dən axtarışlarına başlanılmış Xəzərdə batmış 17 yaşlı gəncin cəsədi aşkar edilib.
Trend-ə FHN-dən verilən məlumata görə, iyulun 23-dən Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunub və vətəndaşın axtarışlarına başlanılıb.
İyulun 25-də 2000-ci il təvəllüdlü, İsmayılov İdris Rasim oğlunun cəsədi batdığı yerdən 8-10 kilometr aralıda tapılıb çıxarılaraq aidiyyəti üzrə təhvil verilib.
Əməliyyat saat 12:50-də başa çatıb.