Azərbaycan, Bakı / Trend müxbir K.Zərbalıyeva/ Cümə günü səhər saatlarında Bakının Xətai rayonu ərazisindəki mənzillərdən birində partlayış baş verib. Daxili İşlər Nazirliyindən Trend ə verilən məlumata görə, Əhmədli yolu küçəsində yaşayan Ruqiyyə Hüseynovaya məxsus 2 mərtəbəli 6 otaqlı evdə baş vermiş partlayışa qaz sızması səbəb olub. Yaranmış yanğın nəticəsində 2 otağın yanar konstruksiyaları və oradakı əşyalar yanıb. Ev sahibəsi Hüseynova, oğlu Tahir və qonağı Turan yanıq xəsarətləri ilə xəstəxanaya yerləşdirilib. Hazırda onların vəziyyətləri ağırdır. Faktla bağlı araşdırma aparılır.