Bakı. Trend:
Kollektiv Təhlükəsizlik Müqaviləsi Təşkilatı (KTMT) Dağlıq Qarabağ münaqişə zonasında döyüş əməliyyatlarının dayandırılmasını alqışlayır.
Trend-in məlumatına görə, bunu KTMT-nin baş katibi Stanislav Zas deyib.
O, döyüş əməliyyatlarının dayandırılması faktını yüksək qiymətləndirdiyini bildirib:
"Bu, Rusiya və Azərbaycan prezidentiləri, Ermənistanın baş naziri arasında müvafiq bəyanat imzalamasından sonra mümkün oldu. Biz regionda sülhün bərqərar olmasında və qan tökülməsinin dayandırılmasına gətirib çıxaran bütün addımları alqışlayırıq".