Azərbaycan, Bakı, 22 may/ Trend , müxbir C.Babayeva/ Azərbaycan Demokratik Gənclər Hərəkatı (ADGH) mayın 28- də Azərbaycan Xalq Cümhuriyyətinin yaranmasının 90 illiyi ilə əlaqədar Bakının Cəfər Cabbarlı meydanında icazəsiz mitinq keçirəcək. Bu barədə cümə axşamı Trend -a ADGH-nin sədri Ağasif Şakiroğlu məlumat verib.
Şakiroğlunun sözlərinə görə, mitinqin keçirilməsi ilə bağlı qərar Hərəkatın İdarə Heyətinin toplantısında qəbul olunub. "Mitinqin keçirilməsilə bağlı Bakı Şəhər İcra Hakimiyyətinə müraciət olunmayacaq",- deyə hərəkat sədri qeyd edib.
Onun bildirdiyinə görə, mitinqə müxtəlif partiyaların gənclər təşkilatları və QHT-lərin qatılması da gözlənilir.
Azərbaycan Demokratik Gənclər Hərəkatı 2006-cı ilin yanvarında yaradılıb və 300- dən çox üzvü var. Hərəkat 2008-ci ili Azərbaycan Xalq Cümhuriyyəti ili elan edib.
Məqalə müəllifi ilə əlaqə saxlamaq üçün ünvan - trend
