İranda jurnalist BBC ilə əməkdaşlığa görə həbs olunub

Azərbaycan, Bakı, 13 noyabr /T.Cəfərov/

İranda Möhsen Fəthi adlı jurnalist BBC yayım şirkətinin Fars xidməti ilə əməkdaşlığda ittiham olunaraq həbs edilib.

Trend-in İranın Fars agentliyinə istinadən verdiyi məlumata görə, jurnalist həmçinin yalan xəbərlərin yayımlanmasında ittiham olunur.

Eyni zamanda, BBC-nin Fars xidmətinin öz saytında yerləşdiyi məlumatda bildirilir ki, xidmətin İranda ofisi mövcud deyil və onun əməkdaşları bu ölkədə çalışmır.