Bakı. Trend:
2025-ci ildə orta ixtisas təhsili müəssisələri arasında qəbul planının ən az dolma göstəricisi Ağdam Musiqi Kollecində olub. Bu orta ixtisas təhsili müəssisəsinin plan yerlərinin 68.63%-i boş qalıb.
Bunu DİM-in "Abituriyent" jurnalının 12-ci nömrəsi əsasında Trend.az müxbiri müəyyən edib.
"Ümumi orta təhsil bazasında ötən il 41 orta ixtisas təhsili müəssisəsinə qəbul aparılıb. Bu təhsil müəssisələrinin ikisində plan yerləri 100% dolub", - Trend.az müxbirinin nəzərdən keçirdiyi həmin nəşrdən belə görünür.
27 orta ixtisas təhsili müəssisəsində boş qalan plan yerləri 10%-dək, qalan 12 orta ixtisas təhsili müəssisəsində isə 10%-dən yuxarıdır, - bu da jurnalda əks olunan məlumatlardandır.
