Azərbaycan, Bakı, 12 iyun /Trend, müxbir A.Tağıyeva/
İyun ayının sonunda Türkiyə Silahlı Qüvvələrinə veriləcək ölkənin ilk pilotsuz kəşfiyyat uçuş aparatı "Anka" qonşu ölkələrin diqqət mərkəzinə düşüb.
Trend-in "Sabah" qəzetinə istinadən verdiyi məlumata görə, bu barədə çərşənbə axşamı Türkiyə Dövlət Aerokosmik Sənaye Şirkətinin baş direktoru Məhərrəm Dörtkaşlı bildirib.
"Fars körfəzi ölkələri, Pakistan, digər Asiya ölkələri, o cümlədən türkdilli dövlətlər "Anka" pilotsuz təyyarələrini almaq istəklərini bildiriblər", - Dörtkaşlı deyib.
Onun sözlərinə görə, Türkiyə bir sıra ölkələrlə artıq müvafiq müqavilənin bağlanması ərəfəsindədir.