Azərbaycan, Bakı, 23 aprel /Trend, müxbir A.Tağıyeva/
ABŞ-ın çağırışlarına görə Qəzzaya səfər təxirə və ya başqa vaxta salınmayacaq. Trend-in çərşənbə axşamı "TRT Haber" telekanalına istinadən verdiyi məlumata görə, bunu Türkiyənin Baş naziri Rəcəb Tayyib Ərdoğan deyib.
"ABŞ dövlət katibi Con Kerri mənə Qəzzaya getməmək barədə məsləhət verməməli idi. Səfər təxirə və ya başqa vaxta salınmayacaq", - Ərdoğan qeyd edib.
Qeyd edək ki, Ərdoğanın mayın 16-da Qəzzaya səfər edəcəyi gözlənilir.