Azərbaycan, Bakı, 16 iyun /Trend/
Misir Suriya ilə diplomatik əlaqələrini kəsdiyini bəyan edib. Trend-in RBK-ya istinadən verdiyi məlumata görə, bunu Misirin prezidenti Məhəmməd Mursi deyib.
"Bu gün biz Suriya və Bəşər Əsəd rejimilə diplomatik əlaqələrin kəsilməsi haqqında qərar qəbul etmişik" - deyən Mursi bildirib ki, Qahirə "Hizbollah"ın Suriya rejimi tərəfdən iştirak etməsini təqdir etmir.
"Misir "Hizbollah"ın Suriyadakı fəaliyyətinə və Suriya xalqına olan təcavüzünə qarşı çıxır. Hərəkat iştirakçıları yubanmadan Suriyanı tərk etməlidir. "Hizbollah"a Suriyada yer yoxdur" - deyə o əlavə edib.