MDB Parlamentlərarası Assambleyasının (PA) sosial siyasət və insan hüquqları daimi komissiyasının Kişinyovda keçirilən iclası martın 29-da başa çatıb. Bu barədə Trend ə Azərbaycan Milli Məclisinin MDB PA-dakı nümayəndəsi Aydın Cəfərov bildirib.
Qeyd edək ki, iclasa MDB PA-nın adıçəkilən komissiyasının sədri, Milli Məclisin regional məsələlər daimi komissiyasının sədri Arif Rəhimzadə sədrlik edib.
A.Cəfərov bildirib ki, iclasda MDB iştirakçısı olan dövlətlərdə miqrasiya proseslərinin tənzimlənməsi, qeyri-qanuni miqrasiyanın qarşısınının alınması sahəsində əməkdaşlıq, komissiyanın təşəbbüsü ilə assambleyanın qəbul etdiyi model qanunlardan istifadə olunması, insan ticarəti və bio tibbi təhqiqatlarla bağlı ümumilikdə 12 məsələ müzakirə olunub.
İclasda 7 dövlətin deputatlarının iştirak etdiyini deyən A.Cəfərov Gürcüstan və Ermənistan parlamentarilərinin tədbirə qatılmadığını söyləyib. Onu da bildirib ki, Moldova parlamentinin sədri Marian Lupu iclasda çıxış edib.