Bakı. Trend:
Bu gün Çempionlar Liqasının yarımfinal mərhələsinin cavab oyunlarına start verilib.
Trend İdman.biz-ə istinadən xəbər verir ki, ilk finalçı Parisdə müəyyənləşib.
Evdə “Borussiya”nı qəbul edən PSJ yenə 0:1 hesabı ilə uduzub. Yeganə qolu künc zərbəsindən sonra Hummels vurub. Dortmund klubu 11 ildən sonra finala yüksəlib.
Dortmundlular 2012/2013 mövsümün həlledici matçında "Uembli" stadionunda "Bavariya"ya uduzub. “Borussiya” yenidən Londonda keçiriləcək finalda çıxış edəcək.
Qeyd edək ki, digər finalçı mayın 8-də keçiriləcək “Real” – “Bavariya” matçında bəlli olacaq.
Çempionlar Liqası
Yarımfinal, cavab oyunu
7 may
23:00. PSJ – “Borussiya” D - 0:1
Qol: Hummels, 50