Bakı. Trend:
Bakı və İrəvan noyabr ayına qədər sülh sazişi imzalaya bilər.
Trend erməni KİV-ə istinadən xəbər verir ki, bu barədə Ermənistanın baş naziri Nikol Paşinyan deyib.
O, həmçinin, mayın 10-da Almatıda iki ölkənin XİN rəhbərinin görüşünün yekunlarına əsasən irəliləyiş əldə olunacağına ümid etdiyini bildirib.
Qeyd edək ki, Azərbaycan və Ermənistan xarici işlər nazirləri Ceyhun Bayramov və Ararat Mirzoyan mayın 10-da Qazaxıstanın Almatı şəhərində görüşəcək.
Xatırladaq ki, bir müddət əvvəl Qazaxıstan Prezidenti Kasım-Jomart Tokayev Azərbaycan və Ermənistan arasında danışıqlar üçün platforma təklif etmişdi.