Bakı. Trend:
ABŞ Prezidenti Donald Tramp Çin lideri Si Cinpinlə şəxsi görüşün ilin sonuna qədər baş tutma ehtimalını istisna etməyib.
Trend-in məlumatına görə, Tramp bu barədə Aberdindən Vaşinqtona uçarkən təyyarədə jurnalistlərə açıqlama verib.
“O, görüşmək istəyir, mən də bu görüşü səbirsizliklə gözləyirəm. Düşünürəm ki, görüş ilin sonuna qədər baş tuta bilər”, – deyə Tramp qeyd edib.
Bununla yanaşı, Ağ Evin rəhbəri bildirib ki, İsveçdə ABŞ və Çin nümayəndələri arasında ticarət məsələləri ilə bağlı aparılan danışıqlar çox uğurlu keçib.