Bakı. Trend:
Amerika Birləşmiş Ştatları Hindistandan ölkəyə idxal olunan məhsullara 25 faizlik gömrük rüsumu tətbiq edəcək. Yeni tarif avqustun 1-dən etibarən qüvvəyə minəcək.
Trend xəbər verir ki, bu barədə ABŞ prezidenti Donald Tramp bildirib.
“Bizim dostumuz olmasına baxmayaraq, illər ərzində Hindistanla nisbətən az ticarət etmişik, çünki onların rüsumları olduqca yüksəkdir — dünyada ən yüksək rüsumlardan biridir — və bu ölkə qeyri-maliyyə xarakterli ticarət maneələri baxımından ən sərt və xoşagəlməz qaydalara malikdir”, – Tramp "Truth Social"da paylaşdığı yazıda bildirib.