Bakı. Trend:
Yaponiyanın şimalında və şərqində baş vermiş güclü zəlzələdən sonra ölkənin sularından 50 sm hündürlükdə sunami qeydə alınıb.
Trend xəbər verir ki, bu barədə ölkənin yerli KİV-ləri məlumat yayıb.
Məlumata görə, sunami Honsyu adasının Miyaqi prefekturasının İsinomaki limanında yerli vaxtla 11:51-də qeydə alınıb. Hokkaydo adasının şərqində isə sunaminin hündürlüyü 30sm təşkil edib.
Bundan əvvəl Yaponiya meteoroloji agentliyi, sahilyanı ərazilərdə yaşayan sakinləri 8,8 bal gücündə zəlzələdən sonra 3 metrə qədər hündürlükdə sunaminin gözlənildiyi barədə xəbər vermişdi. Hokkaydo və Vakayama prefekturalarının sakinlərinə yüksək ərazilərə sığınmaları tövsiyə olunmuşdu.