Rusiya və Azərbaycan arasında münasibətlər son dərəcə müsbət şəkildə inkişaf edir və ikitərəfli münasibətlərdə heç bir problem yoxdur. Trend Lider telekanalına istinadən xəbər verir ki, bu barədə oktyabrın 20-də Bakıda Rusiya XİN-in mətbuat və informasiya departamentinin rəhbəri Mixail Kamınin məlumat verib.
O bildirib ki, Bakıda Rusiya və Azərbaycan XİN mətbuat departamentlərinin nümayəndələri arasında məsləhətləşmələrin ikinci raundu keçirilib. "Biz XİN-dəki bölmələrimizin necə işlədiyindən danışdıq. Təcrübə mübadiləsi etdik və razılığa gəldik ki, yaxın vaxtlarda Moskvada məsləhətləşmələrin növbəti raundu keçirilsin və biz işi davam etdirək", - deyə M.Kamınin yekunlaşdırıb.