Azərbaycan prezidenti İlham Əliyevin Almaniyaya rəsmi səfəri iki ölkənin ikitərəfli münasibətlərinə müsbət təsir göstərəcək. Trend xəbər verir ki, bu barədə Azərbaycan prezidentinin mətbuat katibi Azər Qasımov mətbuat konfransında bildirib.
Onun sözlərinə görə, səfər çox yüksək səviyyədə keçib və Azərbaycan üçün Almaniya ilə əməkdaşlıqda böyük əhəmiyyət kəsb edir.
A.Qasımov həmçinin Berlində Azərbaycan-Almaniya biznes-forumunun keçirilməsini qeyd edib. Həmin forum çərçivəsində tərəflər altı saziş imzalayıblar.