Azərbaycan, Bakı, 16 oktyabr /müx. TrendLife Eldar Hüseynzadə/
Bu yaxınlarda "Yeni ulduz"un növbəti "seriyası" başlayacaq. Hələ ki, biz efirlərdə seçim turunu izləyirik. Lakin gələn həftə konsert başlayacaq. Bəstəkar Rühəngiz Qasımova "Yeni ulduzla" bağlı fikirlərini TrendLife-a bildirdi. "Uşaqlar, keçən layihənin iştirakçıları kimi, təcrübəsizdilər. Gələcəkdə onların necə olmasını isə, dörd-beş konsertdən sonra biləcəyik. Sadəcə, onu deyə bilərəm ki, indiki uşaqlar səhnədə hərəkətlidirlər. Artıq on altı nəfər iştirakçı seçilib."