Azərbaycan, Bakı, 06 may / Trend , müxbir C.Babayeva/ Azərbaycanın eks-prezidenti Heydər Əliyevin anadan olmasının 85-ci ildönümü ilə əlaqədar, Böyük Britaniyada fəaliyyət göstərən bir sıra Azərbaycan cəmiyyətlərinin təşkilatçılığı ilə "Heydər Əliyev Kuboku" turniri keçiriləcək. Bu barədə Trend -a turnirin əsas təşkilatçısı - "Odlar Yurdu" təşkilatından məlumat verilib.
Məlumata əsasən, turnirdə Böyük Britaniyanın müxtəlif şəhərlərində təhsil alan azərbaycanlı tələbələrdən ibarət 8 komanda iştirak edəcək. Turnirin qalibləri Azərbaycanın Böyük Britaniyadakı səfirliyi tərəfindən hədiyyələrlə mükafatlandırılacaq.
"Odlar Yurdu" diaspor təşkilatı bu ilin yanvarında Böyük Britaniyada təhsil alan azərbaycanlı tələbələrin təşəbbüsü ilə yaradılıb. Təşkilat Londonda bir sıra layihələr həyata keçirib.
Məqalə müəllifi ilə əlaqə saxlamaq üçün ünvan - trend