Bakı. Trend:
Elektron siqaretlərlə bağlı protokol tərtib edə biləcək qurumlar təsdiqlənib.
Prezident İlham Əliyev bununla bağlı Fərman imzalayıb. Sənədin mətni Azərbaycan Prezidentinin rəsmi internet saytında dərc edilib.
“İnzibati xətalar haqqında işlərə baxmağa səlahiyyəti olan vəzifəli şəxslərin Siyahısı”na edilən dəyişikliyə görə, elektron siqaretlərin və yaxud onların komponentlərinin idxal-ixracına münasibətdə Dövlət Gömrük Komitəsi, elektron siqaretlərin və yaxud onların komponentlərinin istehsalına, topdan və yaxud pərakəndə satışına, eləcə də satış məqsədilə saxlanılmasına münasibətdə Prezidenti yanında Antiinhisar və İstehlak Bazarına Nəzarət Dövlət Agentliyi, bu cür hallar vergi nəzarəti zamanı aşkar edildiyi hallarda isə İqtisadiyyat Nazirliyi yanında Dövlət Vergi Xidməti protokol tərtib edə biləcək.
