Azərbaycan, Bakı, 22 iyul / Trend , müxbir R.Ergün/ Futbol üzrə 19 yaşlılardan ibarət Azərbaycan yığma komandası sabah Türkiyənin məşhur "Fənərbaxça" klubu ilə yoxlama oyunu keçirəcək. Bu barədə çərşənbə axşamı Trend -a Azərbaycan Futbol Federasiyaları Assosiasiyasının (AFFA) mətbuat xidməti məlumat verib.
Hazırda Türkiyədə təlim-məşq toplanışında olan Azərbaycan yığması "Fənərbaxça" klubunun 19 yaşlılardan ibarət komandası ilə görüşəcək.
Azərbaycan futbolçuları iyulun 18-də Türkiyənin daha bir məşhur klubu olan "Qalatasaray"ın aşağı yaş qrupu üzrə komandası ilə görüşüblər (1:1).
Azərbaycanın 19 yaşlılardan ibarət yığma komandasının baş məşqçisi Yaşar Vahabzadədir.