Azərbaycan, Bakı, 18 yanvar / Trend , müxbir M.Əliyev/
Azərbaycanın Diasporla İş üzrə Dövlət Komitəsi 20 Yanvarda dünyanın 24-dən çox ölkəsində tədbir keçirəcək. Bu barədə Dövlət Komitəsinin məlumatında deyilir.
Faciənin ildönümü ilə əlaqədar olaraq Rusiyanın 13 şəhərində, Almaniyanın 6 şəhərində, Kanadanın 4 şəhərində tədbirlər keçiriləcək. Strasburqda "Azərbaycan Evi"nin təşəbbüsü ilə hadisənin 20-ci ildönümünə bütöv bir radioproqram həsr olunub. 20 Yanvar faciəsi ilə bağlı tədbirlər Özbəkistanın 5 şəhərində, Qazaxıstanın 14 dairəsində keçiriləcək, Ukrayna paytaxtında kitab təqdimatı olacaq, Gürcüstanda isə elmi-praktik konfrans təşkil olunacaq.
Məqalə müəllifi ilə əlaqə ünvanı: [email protected]