...

Azərbaycanda qəsdən adam öldürməkdə təqsirli bilinən hərbi qulluqçunun məhkəməsi başlayıb

Cəmiyyət Materials 21 Yanvar 2010 17:07 (UTC +04:00)
Trend News-un məlumatına görə, bu gün Ağır Cinayətlərə Dair İşlər üzrə Məhkəmədə Müdafiə Nazirliyinin "N" saylı hərbi hissəsinin əsgəri Elmar İsrafil oğlu Sadıqovun cinayət işi üzrə məhkəmənin hazırlıq iclası keçirilib.

Azərbaycan, Bakı, 21 yanvar / Trend , müxbir H.Bağırov/

Azərbaycanda qəsdən adam öldürməkdə təqsirli bilinən hərbi qulluqçunun məhkəməsi başlayıb.

Trend -un məlumatına görə, bu gün Ağır Cinayətlərə Dair İşlər üzrə MəhkəməMüdafiə Nazirliyinin "N" saylı hərbi hissəsinin əsgəri Elmar İsrafil oğlu Sadıqovun cinayət işi üzrə məhkəmənin hazırlıq iclası keçirilib.

Məhkəmə baxışı fevralın 1-nə təyin edilib.

Tovuz rayon Hərbi Komissarlığı tərəfindən həqiqi hərbi xidmətə çağırılan Sadıqov Cəbrayıl rayonunun Cocuqmərcanlı kəndində yerləşən "N" saylı hərbi hissədə xidmətdə olarkən 2009-cu il mayın 17-də əsgər yoldaşı Rza Ənvər oğlu Mehdiyevi avtomat silahdan açdığı atəş nəticəsində güllələyib. Mehdiyev aldığı güllə yarasından yerindəcə keçinib.

Sadıqov Cinayət Məcəlləsinin xuliqanılıq niyyəti ilə adam öldürmə (120.2.2), tabelik münasibətlərində olmayan hərbi qulluqçular arasında qarşılıqlı münasibətlərin nizamnamə qaydalarını pozma (332.3) və Azərbaycan Respublikasına qəfil hücumun vaxtında aşkara çıxarılması və dəf olunması üzrə, yaxud onun təhlükəsizliyinin təmin edilməsi üzrə döyüş növbəsi (döyüş xidməti) çəkmə qaydalarını pozma (338.1) maddələri ilə ittiham olunur.

Xəbər lenti

Xəbər lenti