Azərbaycan, Bakı, 5 iyun / Trend müxbir K.Zərbalıyeva/
Azərbaycanda müsadirə olunmuş 600 kiloqramdan artıq narkotik vasitə məhv ediləcək.
Narkomanlığa və Narkotik Vasitələrin Qanunsuz Dövriyyəsinə qarşı Mübarizə üzrə Dövlət Komissiyasının İşçi Qrupundan Trend-ə verilən məlumata görə, iyunun 22-də Bakı Neft Maşınqayırma Zavodunda 2010-2011-ci illərdə məhkəmə hökmləri ilə müsadirə olunan narkotik vasitələr yandırılacaq.
İşçi Qrupundan bildirilib ki, müsadirə olunmuş narkotiklərin böyük əksəriyyətini ağır tərkibli narkotiklər - heroin, marixuana, tiryək, həşiş qətranı təşkil edir.