Azərbaycan, Bakı, 14 aprel /Trend/
Sabah Azərbaycan ərazisində yağmursuz isti hava şəraiti davam edəcək.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə bildiriblər ki, aprelin 15-də Bakı və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Bakıda gecə 7-9 dərəcə isti, gündüz 18-20 dərəcə isti olacağı gözlənilir. Nisbi rütubət gecə 80-90, gündüz 65-75 faiz təşkil edəcəkdir.
Azərbaycanın rayonlarında hava əsasən yağmursuz olacaq. Havanın temperaturunun gecə 5-10, gündüz 17-22 dərəcə isti olacağı gözlənilir. Dağlarda gecə 0-5, gündüz 8-13 dərəcə isti olacağı gözlənilir.