Azərbaycan, Bakı, 26 aprel /Trend/
Cənubi Qafqazın ən böyük ölkəsi - Azərbaycan öz zəngin tarixi və mədəni irsi ilə hər zaman diqqət mərkəzində olubdur. Qədim zamanlardan indiki dövrədək ölkə regionun siyasi və iqtisadi həyatında mühüm rol oynayıbdır. Davamlı inkişaf Azərbaycana nüfuz gətirməklə bərabər, regionun hüdudlarını aşaraq mötəbər dünya ölkələri ilə bir sırada dayanmağa imkan vermişdir.
Ölkədə həyata keçirilən nəhəng çoxsahəli layihələr daima beynəlxalq aləmin diqqət mərkəzində olmuşdur. Belə təqdirəlayiq layihələrdən biri də Azərbaycanın ilk milli peyki ilə kosmosa yol açmasıdır.
Təxminən 250 milyon dollarlıq layihə dəyərinə malik və ABŞ-ın Orbital Sciences Corporation şirkəti tərəfindən həyata keçirilmiş Azerspace/Africasat-1 peykinin tikintisinin 85 faizi xarici kreditlər hesabına maliyyələşdirilmişdir.
Daha ətraflı AZERNEWS onlayn qəzetinin 26 Aprel çap buraxılışında oxuya bilərsiniz.
Yeni sayda oxucular Latviya Prezidenti Andris Berzinsin Azərbaycana rəsmi səfərinin təfərrüatları, Azərbaycanda benzin alıcılarının hüquqlarının müdafiəsi ilə əlaqədar yeni tədbirlərin həyata keçirilməsi, ölkə boyu hibrid elektrik stansiyalarnın yaradılmasının mümkünlüyü barəsində oxuya, həmçinin Azərbaycanda qədim çay mədəniyyəti və şimal diyarımız Xaçmaz rayonu haqqında maraqlı məqalələrlə tanış ola bilərlər.
"AZERNEWS" Ümumdünya Qəzet və Qəzet Naşirləri Assosiasiyasının (WAN-IFRA) assosiativ üzvüdür.
Onlayn qəzeti oxumaq üçün www.azernews.az ünvanına keçə bilərsiniz.
