Azərbaycan, Bakı, 1 aprel /Trend, müxbir İ.İzzət/
Ötən gün Azərbaycanda yol patrul xidməti əməkdaşları tərəfindən yol hərəkəti qaydaları əleyhinə 5921 inzibati xəta aşkar edilib.
Daxili İşlər Nazirliyindən (DİN) Trend-ə verilən məlumata görə, martın 31-də yol patrul xidməti əməkdaşları tərəfindən nəqliyyat vasitəsini sərxoş vəziyyətdə idarə etməyə görə 72, avtomobildə sürücünün görünüş dairəsini məhdudlaşdıran əlavə avadanlıqların quraşdırılmasına görə 7 sürücü inzibati məsuliyyətə cəlb edilib.
Ötən gün avtomatik rejimdə işləyən nəzarət cihazları vasitəsilə sürət həddini aşdıqlarına görə sürücülərin iştirakı olmadan 2160 elektron protokol tərtib edilib.