Azərbaycan, Bakı, 10 aprel /Trend, müxbir İ.İzzət/
Əfqanıstanda Beynəlxalq Təhlükəsizliyə Yardım Qüvvələri (ISAF) tərkibində fəaliyyət göstərən Azərbaycan Respublikası Silahlı Qüvvələrinin sülhməramlı kontingentinin xidmətini başa vuraraq aprelin 9-da Vətənə qayıtmış bir qrup hərbi qulluqçusu ilə bu gün kütləvi informasiya vasitələri nümayəndələrinin görüşü təşkil edilib.
Trend Müdafiə Nazirliyinin rəsmi saytına istinadən məlumat verir ki, görüş zamanı hərbi qulluqçularımız sülhməramlı əməliyyatlarda iştirakları barədə təəssüratlarını bölüşüb, Azərbaycan Respublikasının NATO-nun Əfqanıstanda apardığı Beynəlxalq Təhlükəsizliyə Yardım Qüvvələri əməliyyatına hərbi sahədə verdiyi töhfədən söz açıb və televiziya kanallarına müsahibələr veriblər.
