Bakı. İlhamə İsabalayeva - Trend:
Bakıya gələn turistlər üçün yeni sayt yaradılıb.
Bunu Trend-ə Milli Turizm Təbliğat Bürosunun mətbuat xidmətinin katibi Kənan Quluzadə deyib.
K.Quluzadə qeyd edib ki, Azərbaycanın turizm potensialını özündə əks etdirən http://azerbaijan.travel saytı yaradılıb. Bu saytın əsas izləyiciləri xaricilərdir.
K.Quluzadə bildirib ki, bu günlərdə isə www.salambaku.travel saytı təqdim edilib. Burada Bakının bütün turizm potensialı əks olunacaq, Bakıya gələn turistlər üçün gəzməli-görməli yerlər, xidmətlərin qiymətləri və s. haqqında məlumatlar yerləşdiriləcək.