Fransanın Belfor şəhərində gənc oğlanlar və qızlar arasında keçirilən şahmat üzrə dünya çempionatının üçüncü günü yarışın ən azyaşlı iştirakçısı Azərbaycanı təmsil edən və 10 yaşadək qızlar kateqoriyasından olan (Q10) Ülviyyə Fətəliyeva həmvətənlərini sevindirib.
Trend in məlumatına görə, Belorusdan olan Nastasiya Zyazyulkinaya qalib gələn Ülviyyə 3.0 xal toplayıb və 1-8 -ci yerləri bölüşdürür. Bu yaş kateqoriyasında, lakuin oğlanlar arasında həmyerlimiz Ülvi Bacarani fransız Ervin Rakotoniana qalib gəlib. 2.5 xal toplayan Ülvi 8-21-ci yerləri bölüşərək litderlərdən yarım xal geridə qalır. Elə həmin qrupda Nicat Abbasov 1.5, Sənan Rəhimi - 1.0 xal yığıb.
G12 kateqoriyasında həmyerlimiz Bəhruz Rzayev uğurla çıxış edir. Üçüncü turda o, rusiyalı Vladimir Belousu məğlub edib və 2.5 xalla 13-20-ci yerləri bölüşür. Fəridə Məmmədbəyovanın (Q12) aktivində 1.5 xal var.
Ayaz Məmmədov (G14) üçüncü turda 1.5 xal toplayıb. Xəyalə Məmmədova (D14) Natalya Makarovaya qalib gəldikdən sonra 2.0 xalla 15-43-cü yerləri bölüşür.
G 16 kateqoriyasında Nicat Ağayev 3-cüb turda İtaliyadan olan Sabino Brunello ilə heç-heçə oynadıqdan sonra 2.0 xal toplayıb. Nərgiz Ümidova (Q16) 1.5 xal toplayıb.
18 yaşına kimi gənclər arasında Eltac Səfərli türkmən şaxmatçısı Annaberdı Esenova qalib gəlib. Eltac 2.0 xalla 18-45-ci yerləri bölüşdürür. Xəyalə İsgəndərovaüçüncü turda Polşadan olan İoahan Maydanı udaraq 1.5 xalla 30-45-ci yerləri bölüşür.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
