Xocalı soyqırımının 15-ci ildönümü ilə əlaqədar ABŞ-da fəaliyyət göstərən Iaşinqton Mədəniyyət Mərkəzi tərəfindən Ermənistan səfirliyinin və Dövlət Departamentinin qarşısında etiraz aksiyası keçiriləcək. Bu barədə Trend ə Xarici Ölkələrdə Yaşayan Azərbaycanlılarla İş üzrə Dövlət Komitəsindən məlumat verilib.
Amerika Azərbaycanlıları Assosiasiyası isə Nyu-Yorkda BMT-nin binası qarşısında etiraz aksiyası keçirəcək. "Bakı-Hyuston Qardaşlaşmış Şəhərlər Assosiasiyası" Hyustonda Xocalı soyqırımı qurbanlarına həsr olunmuş xatirə gecəsi təşkil edəcək. Həmçinin azərbaycanlı tələbələr tərəfindən Texas Universitetində Xocalı soyqırımına həsr olunmuş konfransın təşkili də nəzərdə tutulub. ABŞ-ın Los-Anceles, San-Xose, San-Fransisko və digər şəhərlərdə də Xocalı faciəsinə həsr olunmuş xatirə gecələrinin keçirilməsi planlaşdırılıb.