.jpg)
Bakı. Maksim Tsurkov - Trend:
Azərbaycan təmsilçisi Bense Talas Bakı-2017 İslam Həmrəyliyi Oyunlarının idman gimnastikası yarışlarında turnik üzərində hərəkətlərin yekunu üzrə bütün rəqiblərindən üstün olub.
Trend-in məlumatına görə, B.Talas finalda 14.000 bal toplayaraq qızıl medal qazanıb. Bu, gimnastımızın İslamiadada qazandığı ikinci qızıldır.
İkinci və üçüncü yerləri isə Türkiyə idmançıları, müvafiq olaraq, Fərhad Arican (13.250) və Əhməd Öndər (13.200) tutublar.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.