Bakı. Fərid Zöhrabov - Trend:
Gənclər və idman naziri Fərid Qayıbov yanvarın 6-da Heydər Əliyev adına İdman Konsert Kompleksinin fəaliyyəti ilə tanış olub. Burada yaradılmış şəraitlə maraqlanıb, fitnes zalına baxış keçirib.
Trend xəbəbr verir ki, kompleksdə “Zabit Səmədov” döyüş klubunda məşqləri izləyən nazir idmançılar və məşqçilərlə görüşüb, hazırlıq prosesləri ilə maraqlanıb, fikir mübadiləsi aparıb. Zabit Səmədov rəhbərlik etdiyi klubun fəaliyyəti barədə məlumat verib. Fərid Qayıbov idmançıların beynəlxalq yarışlara hazırlığı ilə maraqlanıb və MMA klublarımızın birgə fəaliyyətinə dair tövsiyələr verib.
Görüşdə nazir müavini Mariana Vasileva, İdman Şöbəsinin müdiri Elnur Məmmədov və Kadr Hazırlığı Sektorunun baş məsləhətçisi Ramil Cabbarov da iştirak ediblər.
