...

Adəmin şantajının sonu

İqtisadiyyat 17 Yanvar 2022 11:51
Adəmin şantajının sonu

Trend-i buradan izləyin

Bakı. Trend:

Son vaxtlar Azərbaycan vətəndaşlarının inşaat şirkətlərindən şikayətləri artıb. Təbii, insanların narazılıqları əksər hallarda tikililərin sökülməsi və köçürülmə prosedurları ilə bağlıdır.

Evlərin sökülməsi bir çox hallarda sakinlərin mənzilləri tərk etməsindən əvvəl başlayır.

Bəzən isə elə hallar olur ki, tikinti şirkətinin özü qurbana çevrilir. Beləki Bakı sakini 8 il ərzində şirkəti şantaj edərək, böyük yaşayış kompleksinin tikintisini dondurmağa nail olmuşdur.

Söhbət "Bağçasaray" MTK-dan gedir. 2014-cü ildə Bakı Şəhər İcra Hakimiyyəti tərəfindən Xətai rayonu Nobel prospekti 134 C ünvanında tikintisinə icazə verilmiş müasir və komfortlu yaşayış kompleksi 6 hektar ərazidə salınmalı idi. Məlumdur ki, bütün dünyada tikinti biznesi "vaxt puldur" qaydasına uyğun inkişaf edir. Bu səbəbdən də, bütün lazımi icazə sənədlərinə malik olan şirkət ləngimədən layihənin icrasına başlayıb.

Lakin tikinti işlərinə başlamağa imkan tapmayıb, tikinti sahəsində Adəm İsmayılov adlı biri peyda olub, bu ərazinin ona məxsus olduğunu və şirkətin ərazidə tikinti işlərinin aparmaq hüququna malik olmadığını iddia etməyə başlayıb. Həmin şəxs məhkəmələrdə "süründürməklə" hədələyərək, şirkətdən böyük məbləğdə pul tələb edib.

Şirkətin hüquqşünasları bir daha bütün icazə sənədlərini nəzərdən keçirərək yekdil qərara gəliblər: "çağırılmamış qonağın iddiaları əsassızdır və bu səbəbdən tikinti işləri davam etdirilməlidir".

Lakin buna baxmayaraq, Adəm İsmayılov qohumu Sübhan Zayidovun vasitəsilə, müxtəlif məhkəmə orqanlarına və bütün instansiyalara şikayət ərizələri göndərməyə başlayıb. Müəyyən məqamda şikayətlərin sayı o həddə çatıb ki, məhkəmə orqanları "vəziyyəti aydınlaşdıranadək" yaşayış kompleksinin tikintisinə müvəqqəti qadağa qoymaq qərarına gəliblər.

Beləliklə də, vəziyyətin aydınlaşdırılmasına 8 il vaxt tələb olunub. Çoxsaylı məhkəmə çəkişmələrindən sonra ədalət nəhayət ki, öz yerini tapıb. Azərbaycan Respublikasının ali ədalət mühakiməsi orqanı sayılan Konstitusiya Məhkəməsi də "Baxçasaray" MTK-nin lehinə qərar çıxarıb.

Nəhayət ki, məhkəmələrin ədalətli qərarları ilə tikinti şirkətinə qarşı 8 illik şantaja son qoyulub. Bununla belə, yaşayış kompleksinin tikinti müddəti ilə bağlı bütün planları alt-üst olub. Şirkətin bu müddət ərzində nə qədər vəsait itirdiyini isə, düşünmək belə qorxuludur.

Qeyd edək ki, Baxçasaray MTK Yeni Hayat Şirkətlər Qrupuna daxildir.

Xəbər lenti

Xəbər lenti