Azərbaycan, Bakı / Trend , müxbir İ.Xəlilova/ Azərbaycanın Vergilər Nazirliyi 2008-ci ildən etibarən, nəğd hesablaşmaların tənzimlənməsi üçün kassa-nəzarət aparatlarını quraşdırılması tələb olknmayan fəaliyyət növlərinin siyahısını genişləndirməyi təklif edir.
Parlamentin iqtisadi əməkdaşlıq komissiyasının cümə günü keçirilən iclasında Vergi Məcəlləsinə əlavə və düzəlişlərin müzakirəsi zamanı vergilər nazirinin müavini Natiq Əmirov bildirib ki, yeni yaradılan bank şöbələrində valyuta- mübadilə əməliyyatları zamanı kassa aparatı çeklərini, həmin şöbələrdə quraşdırılan kompüterlərdən çıxarılacaq bank qəbzləri ilə əvəz etmək mümkün olacaq.
Bu təklifi Azərbaycan Milli Bankı və Azərbaycan Banklar Assosiasiyası verib və biz də sahibkarlığın inkişafı baxımından bunu qəbul etməyi məqsədəyğun hesab etmişik",-deyə Əmirov söyləylib.
2006-cı ilin sentyabrından qüvvədə olan valyuta-mübadilə əməliyyatlarının həyata keçirilməsi barədə AMB-nin yeni qaydalarına əsasən, mübadilə məntəqələrinin əməliyytalarının bankların əməliyyat sistemlərinə inteqrasiyası, təhlükəsizlik texnikası üzrə tələblərin gücləndirilməsi nəzərdə tutulub. Qaydalar mübadilə məntəqəsi əməkdaşlarının peşəkar hazırlığı üzrə tələbləri də müəyyənləşdirir.
Milli Bankın tələblərinin mahiyyəti valyuta mübadilə məntəqələrinin statusunun artırılması və oların bank şöbələri statusuna yaxınlaşdırılmasıdır.
Statistikaya görə, mübadilə məntəqələri ilə yanaşı, respublikada təqribən 460 filial və 40-dan çox bank fəaliyyət göstərir və onlar da valyuta mübadiləsi həyata keçirirlər.
