Azərbaycan, Bakı, 01 sentyabr/ Trend , müxbir Ü.İsmayılov/ İyulda Bakının ilkin daşınmaz əmlak bazarında qiymətlər, iyunun göstəriciləri ilə müqayisədə, 0,4 faiz - bir kvadrat metrə görə $1177-dək artıb,- "Əmlak Bazarı İştirakçıları" İctimai Birliyindən bazar ertəsi bildiriblər.
Şəhərin mərkəzi birinci zonasında təklif edilən mənzillərin əksəriyyətini beşotaqlı, üçüncü zonada - birotaqlı mənzillər təşkil edib. İyulda Bakının ilkin bazarında üçotaqlı mənzillər üstünlük təşkil edib.
İyulda yeni tikilən binalarda təklif edilən mənzillərin orta sahəsi 120,5 kvadratmetr olub.
Ümumi cədvəl iyunda bazara təklif edilən mənzilləri göstərir:
Otaqlar | Sayı | Mənzillərin orta sahəsi, kv.m- lə | Ümumi tikintidə payı, faizlə |
1-otaqlı | 10531 | 58,6 | 15,7 |
2- otaqlı | 20939 | 92,8 | 31,2 |
3- otaqlı | 26974 | 133,4 | 40,1 |
4- otaqlı | 7789 | 180,8 | 11,6 |
5- otaqlı | 978 | 257,9 | 1,5 |
Bakıda tikilən binaların sayı 566 -ya, tikinti şirkətlərinin sayı 215 - ə çatıb. Evlərin əksəriyyəti (24,6 faiz) Bakının Yasamal rayonunda tikilir. Nəsimi rayonunda tikilən binalar 21,7 faiz, Xətai - 20,5 faiz, Binəqədi - 10,4 faiz, Nərimanov - 6 faiz, Nizami royonunda 5,5 faiz təşkil edib.