Azərbaycan, Bakı, 27 dekabr/ Trend , müxbir Ü.İsmayılova/ Yanvar - noyabrda Azərbaycanın nəqliyyat vasitələri ilə 90,4 mln. tondan çox yük daşınıb ki, bu da 2007-ci ilin analoji dövrünün göstəricilərindən 491,08 faiz çoxdur, - Dövlət Gömrük Komitəsindən şənbə günü bildiriblər. Bu dövrdə yük ixracı - 81,4 mln. ton, idxalı - 9,01 mln. ton təşkil edib.
11 ay ərzində dəniz nəqliyyatı ilə 702,5 min ton, dəmir yolu - 14,9 mln. ton, avtomobil - 584,2 min ton, hava - 3 min ton yük daşınıb, boru kəmərləri ilə nəqletmə 65,1 mln. ton təşkil edib.
Yanvar-noyabr ərzində Azərbaycan ərazisindən tranzitlə 5,9 mln. ton yük daşınıb ki, bu da ötən ilin analoji dövrünün göstəricilərini 112,36 faiz və ya 655,8 min ton qabaqlayır.
Tranzitlə Azərbaycan ərazisindən İtaliyaya 2,28 mln. ton, İsveçrəyə - 1,6 mln. ton, Gürcüstana - 804,5 min ton, Tacikistana - 295 min ton, Türkiyəyə - 160,8 min ton, İrana - 195,8 min ton, Rusiyaya - 177,1 min ton, Qazaxıstana - 41,6 min ton, Türkmənistana - 211,6 min ton yük daşınıb.
Müəlliflə əlaqə saxlamaq üçün elektron ünvan: capital@trend
