Gürcüstan, Tbilisi, 3 may /Trend, müxbir N.Kirsxaliya/
Batumidə yerləşən "İnturist" mehmanxanasının əmlakı bazar ertəsi keçirilən hərracda satılmayıb.
Alqı-satqı zamanı İcraiyyə Bürosuna iddianın təmin olunmasına dair tədbir haqqında ərizə daxil olub. Bununla əlaqədar olaraq, əmlakın bir hissəsinin müsadirəsinin ləğvi məsələsinə məhkəmə tərəfindən baxılacaq. Bu barədə icraçı Cambul Dzirkvadze Trend-ə bildirib. Buna müvafiq olaraq, hərrac dayandırılıb.
İkinci hərracın keçirilmə vaxtı kreditorun qalan əmlakın satışı barədə ərizə təqdim etməsindən sonra təyin olunacaq.
Hərraca 5 460 kvadratmetr torpaq sahəsi və 10 528 kvadratmetr bina-tikili çıxarılıb.