...

Azərbaycanda qiymətli kağızlar bazarı sabitləşib – Dövlət Komitəsi

Biznes və iqtisadiyyat xəbərləri Materials 29 Sentyabr 2010 18:33 (UTC +04:00)

Azərbaycan, Bakı, 29 sentyabr /Trend, müxbir E.İsmayılova/

Azərbaycanda dövlət qiymətli kağızlarının yerləşdirilməsinin həcmi artıb. Bu barədə çərşənbə günü Azərbaycanın Qiymətli Kağızlar üzrə Dövlət Komitəsinin (QKDK) sədri Rüfət Aslanlı deyib.

"Dövlətin qiymətli kağızlarına tələbat cari ildə onlarda əldə edilən gəlirin çoxalması səbəbindən artıb. Sentyabr ayı ərzində dövlət istiqrazları üzrə gəlirlər iki dəfə, təxminən üç faizədək, 35 gündəlik istiqrazlar üzrə 1,15 faizdən 1,46 faizədək artıb", - Aslanlı bildirib.

Onun sözlərinə görə, ölkədə səhmlər bazarı da sabitləşib və cari ilin səkkiz ayı ərzində ötən illə müqayisədə sövdələşmə və səhmlərin sayının həcminin dinamikası sabitləşib.

"İlk növbədə, buna müsbət təsiri özəlləşdirmə proseslərinin sabitləşməsi göstərib, belə ki, qiymətli kağızlar bazarında yeni səhmlərin bir hissəsi özəlləşdirlən müəssisələr hesabına təmin olunub", - o deyib.

Onun sözlərinə görə, təkrar bazarda maliyyə alətləri öz qiymətli kağızlarını əvvəlki rejimdə çıxarırlar. Korporativ istiqrazlar bazarı Azərbaycan İpoteka Fondunun istiqrazlarının yerləşdirilməsi sayəsində on dəfələrlə artıb.

"Ötən ilin sonundan maliyyə institutları, o cümlədən bir neçə mikromaliyyə təşkilatı öz fəaliyyətlərini və vəsaitlərin cəlb edilməsini yeni borc istiqrazların buraxılması vasitəsilə maliyyələşdiriblər", - o vurğulayıb.

Aslanlının sözlərinə görə, hazırda qiymətli kağızlar bazarına yeni alətlərin çıxarılması üçün mexanizmlərin hazırlanması üzrə işlər görülür. Bu, emitentlərin istəyindən, eləcə də bazardakı investorların "iştahasından" asılı olacaq.

"Biz ilin sonunadək fond bazarında olacaq iki yeni alətin tətbiqi üzərində işləyirik", - QKDK rəhbəri bildirib.

Xəbər lenti

Xəbər lenti