Azərbaycan, Bakı, 30 sentyabr /Trend, müxbir N.İsmayılova/
Azərbaycan bankı "Paşa Bank" Almaniya bankı "Commerzbank" ilə birlikdə sentyabrın 30-da kiçik və orta müəssisələr üçün ticarət maliyyələşməsi üzrə "Yeni imkanlar dünyası" mövzusunda seminar keçiriblər.
"Commerzbank" Almaniyada, eləcə də ondan kənarda kiçik və orta müəssisələrin kreditləşməsi, ticarət maliyyələşməsi sahəsində liderdir. "Paşa Bank" onun etibarlı xə çoxdankı tərəfdaşıdır və bizim əməkdaşlığımız sürətli templərlə inkişaf edir", - "Paşa Bank"ın İdarə Heyətinin sədri Fərid Axundov deyib.
Onun sözlərinə görə, bu seminarın məqsədi "Paşa Bank" və digər bankların müştərilərinə bu bazarda olan məhsullar və bankın məhz müştərilərinə nəyi təklif edə bilməsi haqqında daha çox məlumatın verilməsindən ibarətdir.
"Bankın "Commerzbank" ilə birgə proqramı var və biz ictimaiyyətlə öz imkanlarımızı bölüşmək istəyirik", - Axundov qeyd edib.
"Paşa Bank" Azərbaycanda bizim başlıca tərəfdaşımızdır və biz bu əməkdaşlığdan yerli banklara kömək etmək üçün istifadə edə bilərik", - bankın maliyyə institutları şöbəsinin idarəedici direktoru Aksel Bommerşaym deyib.
Bommerşaymın sözlərinə görə, "Commerzbank" Azərbaycan şirkətlərinə Almaniyada münasib tərəfdaşın tapılmasında kömək edə bilərlər.