Azərbaycan, Bakı, 27 yanvar /Trend, müxbir N.İsmayılova/
2010-cu ilin dekabrında Azərbaycanda bank sektorunun kapitallaşması 0,3 faiz, il ərzində isə 8,2 faiz artaraq 2169,12 milyon manat təşkil edib. Bu barədə cümə axşamı Azərbaycan Mərkəzi Bankından (AMB) məlumat verilib.
AMB-nin açıqladığı statistik rəqəmlərə görə, 2010-cu ilin dekabr ayının yekunları üzrə kapitalı 10 milyon manatdan çox olan bankların sayı ötən ilin noyabrı ilə müqayisədə iki bank artaraq 42 bank olub və 2009-cu illə müqayisədə dəyişməz qalıb. Dekyabrda bütün bankların kapitalının məcmu həcmində bu kateqoriyadan olan bankların xüsusi çəkisi dəyişməz qalaraq noyabrdakı 97,4 faizdən 98,9 faiz səviyyəsinə qalxıb, bir il əvvəl isə bu göstərici 98,7 faiz təşkil edib.
İki bankın (0,9 faizlik xüsusi çəki ilə) kapitalı beş milyon manatla on milyon manat, bir bankın (0,2 faizlik) kapitalı isə 3,5 milyon manatla beş milyon manat civarında formalaşıb.
Yanvarın 27-nə olan rəsmi məzənnə 0,7974 AZN/USD təşkil edir.